>Home>Tarranoa

Agghju ............................................ Bultighjada ............................................ Caragnani ............................................ Locu Santu ............................................ Luris ............................................ Nuchis ............................................ Tarranoa ............................................ Tempiu ............................................ Ghjesci di campagna ............................................	Tarranoa Pa' la mitologia la citai di Tarranoa l'aiani fundata li greci Tespiesi in lu VI seculu p.C. cun lu nommu d'Olbìa (la felici), vinuti cun Iolao, amicu e nipoti d'Eracle. Citai e colonia fenicia e punica, finz'a lu 259 p.C., da poi di la gherra di Milazzo è passata a li romani cun l'intrata trionfali di L. Cornelio Scipione, cand'ancora vera un'esercitu minori punicu cummandatu da Annone. Da lu 238 p.C. a lu 455 dp.C. è stata sutt'a li romani, candu l'aiani presa li Vandali. In lu VI secolu emu notizia di la diocesi di Phasana o Phausania, paesi no ancora individuatu chi podarìa esse lu di Pasàna a cultu di la citai d'ogghj. La citai - fossi - è stata frabicata torra da li Visconti in lu XIII seculu cun lu nommu di Tarranoa pa' esse la capitali di lu Regnu di Gaddhura, ancora si lu éscamu cun la corte stagghja a cultu a la catedrali di Santu Simpliciu, éscamu di Fausania, cun lu nommu di Civita, mintra chi da li scavi recenti si sa chi la citai romana e la medievali erani la matessi cosa e in lu matessi locu. Da poi di l'occupazioni di lu Regnu di Gaddhura da palti di la Republica di Pisa in lu 1288, ha autu un'amministrazioni comunali commu li citai italiani, cun un podestà e un camerarius, pal chissu haia legghj soi, di li ch'avanzani ogghi li capitoli di lu poltu di Tarranoa, posti a banda in l'Archiviu di Casteddhu. In lu 1323 passesi a lu Regnu di Saldigna, conquistatu da l'Aragonesi e da lu 16 a lu 25 friagghju 1324 in lu so poltu s'è filmata la flotta pisana fugghjta da Casteddhu, assidiata dall'infanti Alfonso. La citai, da poi di calche rivolta, paldesi la so impultanzia, tantu chi l'aiani passata in feudu a Berengario Arnaldo de Anglesola, in cambiu d'un cabaddhu almatu. In lu 1349 Ghjuanni d'Arborea la conquistesi insembi ad alti paesi trasfurméndili in lu mannu feudu di Gaddhura, passatu da poi a la muddheri Sibilla, palchí Marianu IV l'haia postu in priscioni. In la gherra fra lu re d'Aragona e lu d'Arborea, Tarranoa é passata da l'unu a l'altu a beddhu olti, ancora si d'è ambarata d'Arborea finz'a lu 1420, cand'ha sigutu lu destinu di l'alti paesi di la Gaddhura commu Agghju, Bultighjada, Calagnani, Luris e Nuchis. La citai s'è spopolata casi completamente in lu XVI seculu, mintra chi in lu Setticentu s'é ripresa da poi c'aiani frabicatu la carrela chi la unia a la "Carlo Falice" (Casteddhu-Pultuturra),sighendi l'antica carrela romana, e da poi di lu 1881, cand'hani completatu la ferrovia pa' Casteddhu e Sassari. Passata a l'Italia l'aiani cambiatu lu nommu in Tarranoa Pausania in lu 1862, ancora si lu sviluppu mannu l'ha autu in lu 1920, cand'hani abbaltu lu poltu nou e candu l'hani torra cambiatu nommu, piddhendi chiddhu romanu d'Olbia. In la Segunda Gherra Mundiali la bumbaldesini, ancora si la ripresa é arriata subitu cun la costruzioni di l'aeroporto Venafiorita primma e di la Costa Smeralda da poi. Risorse collegate 67. Visita alla chiesa di San Paolo, 28.05.1752 118. Viaggio da Tempio a Terranova, 10.05.1763	S. Paulu ............................................ S. Simpliciu ............................................ S. Cruci ............................................
	info: info@archgall.it	Progetto cofinanziato dalla L.R. 15/10/1997 n. 26 art. 13 lettera D) anno 2010 e anno 2011 © Luigi Agus 2012